जनताको ढाढ सेक्नेगरी फेरि इन्धनको मूल्य बृद्धि, खाना पकाउने ग्यासको मूल्य अब प्रति सिलिन्डर १५७५ रुपैयाँ कायम


जनताको ढाढ सेक्नेगरी फेरि इन्धनको मूल्य बृद्धि,  खाना पकाउने ग्यासको मूल्य अब प्रति सिलिन्डर १५७५ रुपैयाँ कायम

Sambodhi Television


कार्तिक २५, काठमाडौं । पटकपटक पेटे«लियम पदार्थ र खाना पकाउने इन्धनको मूल्य बृद्धि गर्दै आएको सरकारले बुधबार रातीदेखि लागू हुनेगरी फेरि इन्धनको मूल्य बृद्धि गरेको छ । यो पटकको मूल्य बृद्धि सर्वसाधारण जनताको ढाढ सेक्नेगरी नै भएको छ । सरकारले केही समय अगाडि मात्रै खाना पकाउने ग्याँसको मूल्य बृद्धि गरेमो बुधबारबाट फेरि एकैचोटी प्रति सिलिन्डर ७५ रुपैयाँले बृद्धि हुनेगरी मूल्य बढाएको छ । यो मूल्य बृद्धिसँगै सर्वसाधारणको ढाढ सेक्नेछ ।

त्यसैगरी नेपाल आयल निगमले पेट्रोल, डिजेल र मटितेलमा प्रतिलिटर ३ रुपैयाँले मूल्य वृद्धि गराएको छ । मूल्य बृद्धि भएसँगै अब पेट्रोल लिटरको १३६ रुपैयाँ पुगेको छ भने डिजेल मटितेलको प्रतिलिटर मूल्य ११९ रुपैयाँ भएको छ । आन्तरितर्फको हवाई इन्धन प्रतिलिटर ५ रुपैयाँ बढाएर १०१ रुपैयाँ पु¥याइएको निगमका सहायक प्रवक्ता पुस्कर कार्कीद्वारा जारी गरिएको विज्ञप्तिमा जनाइएको छ । 

त्यसैगरी अन्तर्राष्ट्रिय उडानतर्फको हवाई इन्धनको मूल्य अब प्रतिकिलोलिटर ८९५ अमेरिकी डलर पुगेको छ । निगमले गत कार्तिक १२ गते पनि पेट्रोल, डिजेल र मट्टितेलमा प्रतिलिटर ३ रुपैयाँ ग्यासमा प्रतिसिलिन्डर ५० रुपैयाँले वृद्धि गरेको थियो ।

मूल्य समायोजनपछि पनि निगमलाई पेट्रोलमा प्रति लिटर रू.१७.५८, डिजेलमा १३.१४ रुपैयाँ र ग्यासमा प्रति सिलिन्डर रू. ६५७.८४ घाटा रहेको बताएको छ । निगमले १५ दिनमा २ अर्ब ६२ करोड घाटा हुने अनुमान गरेको छ । यो घाटा कम गर्नका लागि भन्दै पटकपटक मूल्य बढाउनु परेको प्रवक्ता कार्कीले बताउनु भयो । 
 

बिहीबार २५ कार्तिक, २०७८



यसमा तपाइको मत


सम्बन्धित शीर्षकहरु


ताजा अपडेट