पेरु कम्युनिष्ट क्रान्ति साइनिङपाथका अध्यक्ष गोन्जालोको जेलभित्रै निधन क्रान्तिकारीहरुले गरे, गोञ्जालोको षड्यन्त्रपूर्वक हत्या भएको दावी


पेरु कम्युनिष्ट क्रान्ति साइनिङपाथका अध्यक्ष गोन्जालोको जेलभित्रै निधन क्रान्तिकारीहरुले गरे, गोञ्जालोको षड्यन्त्रपूर्वक हत्या भएको दावी

Sambodhi Television


भदौ २७, काठमाडौं । पेरु कम्युनिष्ट पार्टी (साइनिङपाथ) का अध्यक्ष डा.अभिमायल गुज्मन ‘क.गोञ्जालो’को निधन भएको छ । सन् १९९२ मा तत्कालिन पेरुको फुजीमोरी सरकारले पक्राउ गरेर जेलमा राखेका गोञ्जालोको ८६ वर्षको उमेरमा  जेलमै रहेको अवस्थामा शनिबार राती निधन भएको हो ।

विश्वभर कम्युनिष्ट आन्दोलन धाराशायी भएका बेला पेरुमा गोञ्जालोको नेतृत्वमा सञ्चालन भइरहेको आन्दोलनले संसारभरका क्रान्तिकारीहरुलाई उर्जा दिइरहेको थियो । गोञ्जालोको विचार र दर्शनबाट नेपालका माओवादीहरुले पनि प्रेरणा लिइरहेको र गोञ्जालो विचारधाराको बहस चलाइरहेका थिए । दार्शनिक नेता गोन्जालो पेरुको मात्रै नभएर विश्वभरका कम्युनिष्ट क्रान्तिकारीका प्रेरणाका स्रोत मानिनुहुन्थ्यो । 

को हुन् गोन्जालो ?

गोन्जालोको वास्तविक नाम अभिमायल गुजम्यान हो । उनको जन्म सन् १९३४ मा पेरुको दक्षिण तटमा अवस्थित मोलेन्डो शहर नजिक भएकै थियो ।
सन् १९९० को दशकमा पेरु कम्युनिष्ट पार्टी (साइनिङ पाथ) का अध्यक्ष गोन्जालोको नेतृत्वमा सशस्त्र जनयुद्ध सुरु भएको थियो । गाउँदेखि शहर घेर्ने रणनीति अन्तर्गत सो क्रान्तिले पेरुका अधिकांश गाउँ र केही मुख्य शहरहरुसमेत कब्जा गरिसकेको थियो । साइनिङ पाथ राजधानी लिमासहित केन्द्रीय सत्ता कब्जा गर्ने उद्देश्यको नजिक पुगिसकेको थियो ।

यसैक्रममा सन् १९९२ सेप्टेम्बर १२ तारिखका दिन राजधानी लिमा शहरको एक घरबाट गोन्जालोलाई तत्कालिन फुजीमोरी सरकराले पक्राउ ग¥यो । गोञ्जालो पक्राउ परेलगत्तै उहाँलाई सैनिक जेलमा थुनेर आजीवन काराबासको सजायँ सुनाइएको थियो । गोञ्जालोको पक्राउसँगै साइनिङपाथका, दोस्रो, तेस्रो र चौथो तहका नेताहरुसमेत पक्राउ परे । त्यसपछि विजय नजिक पुगेको पेरु कम्युनिष्ट पार्टी साइनिङपाथको ओरालो यात्रा सुरु भयो । गोञ्जालो जेलमै रहेका बेला त्यहाँको कम्युनिष्ट आन्दोलन उठनै नसक्नेगरी तहसनहस भयो । 

सन् १९८१ बाट शुरु भएको पेरुको कम्युनिष्ट क्रान्तिले गोञ्जालो लगायतका चौथो तहका नेताहरुको समेत गिरफ्तारीपछि गम्भीर धक्का खायो । सोही कारण सन् १९९५ सम्म केन्द्रीय सत्ता कब्जा गरेर नयाँ जनवादी क्रान्ति सम्पन्न गरिसक्ने योजना सफल हुन सकेन । गोञ्जालो लगायतका नेताहरुको गिरफ्तारीपछि पनि पेरुको जनयुद्ध सन १९९९ सम्म सञ्चालन भएको थियो । १८ वर्षसम्म पेरुमा चलेको जनयुद्धका क्रममा कम्तीमा ७० हजार पेरुभियाली क्रान्तिकारीहरुको ज्यान गएको थियो । 

भ्mण्डै ३० वर्षदेखि जेलमा रहेका गोञ्जालोको रिहाईको माग गर्दै नेपाललगायत विश्वभरका क्रान्तिकारीहरुले आवाज उठाईरहेका थिए । नेपालमा केही समयदेखि गोञ्जालोको रिहाई हुनुपर्ने माग राख्दै प्रदर्शन समेत हुँदै आएको थियो । यद्यपि संसारभरका क्रान्तिकारीहरुले आफ्नो आस्थाको स्रोत गोञ्जालोको जेलभित्रै निधन हुन पुगेपनि गोञ्जालोको षड्यन्त्रपूर्वक हत्या भएको दावी गर्दै आएका छन् । गोञ्जालोको निधनले क्रान्तिकारी कम्युनिष्ट शक्तिहरुलाई अपुरणीय क्षति पुगेको छ ।
 

आईतवार २७ भाद्र, २०७८



यसमा तपाइको मत


सम्बन्धित शीर्षकहरु


ताजा अपडेट