राष्ट्रपति विद्यादेवी भण्डारीको आब्हानमा सर्वदलीय बैठक, प्रधानमन्त्री ओलीले फेरि गरे संसद विघटनको संकेत


राष्ट्रपति विद्यादेवी भण्डारीको आब्हानमा सर्वदलीय बैठक, प्रधानमन्त्री ओलीले फेरि गरे संसद विघटनको संकेत

Sambodhi Television


चैत ४, काठमाडौं । राष्ट्रपति विद्यादेवी भण्डारीको आब्हानमा मंगलबार सर्वदलीय बैठक सम्पन्न भएको छ । संसदमा प्रतिनिधित्व गर्ने सबै दललाई राष्ट्रपति भण्डारीले सर्वदलीय बैठकमा बोलाउनु भएको थियो । सो अवसरमा राष्ट्रपति भण्डारीले संविधानको प्रभावकारी कार्यान्वयन र लोकतन्त्रको सुदृढिकरणका लागि राजनीतिक दलबीचको सहकार्यलाई निरन्तरता दिनुपर्ने बताउनु भएको छ । 

मंगलबार राष्ट्रपति कार्यालय शीतलनिवासमा आयोजित सर्वदलीय बैठकमा राष्ट्रपति भण्डारीले आपसी संवाद, सहकार्य र एकता नेपालको राजनीतिक सौन्दर्य भएको पनि उल्लेख गर्नुभएको छ । राष्ट्रपति भण्डारीले ‘हाम्रो समाज शालीन, सभ्य र सहिष्णु रहिआएको उल्लेख गर्दै यहाँको नेतृत्वले सधैं उच्च राजनीतिक संस्कार कायम गर्दै आएको समेत बताउनु भएको छ । यो असल संस्कार निरन्तर कायम रहनुपर्छ’ राष्ट्रपति भण्डारीको भनाई उधृत गर्दै राष्ट्रपति कार्यालयले जारी गरेको विज्ञप्तिमा उल्लेख गरिएको छ । 

सर्वदलीय बैठकमा प्रधानमन्त्री एवं नेकपा एमालेका अध्यक्ष केपी शर्मा ओली, नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, जनता समाजवादी पार्टीका अध्यक्ष महन्थ ठाकुर र उपेन्द्र यादव लगायतका नेताहरु सहभागी रहेका थिए । 
त्यसैगरी सर्वदलीय बैठकमा गृहमन्त्री रामबहादुर थापा, एमाले महासचिव ईश्वर पोखरेल, नेता सुवास नेम्वाङ, विष्णु पौडेल, नेपाली कांग्रेसका तर्फबाट रामचन्द्र पौडेल, विमलेन्द्र निधि, डा. शशांक कोइराला, माओवादी केन्द्रका नेताहरु नारायणकाजी श्रेष्ठ र देव गुरुङ, मन्त्रिपरिषदका पूर्वअध्यक्ष खिलराज रेग्मी, राप्रपाका अध्यक्ष डा. प्रकाशचन्द्र लोहनी, राष्ट्रिय जनमोर्चाका अध्यक्ष चित्रबहादुर केसी र जनकराज शर्मा र नेपाल मजदुर किसान पार्टीका प्रेम सुवालसमेतको सहभागिता रहेको थियो । 

बैठकमा संसद राम्रोसँग चल्न नसकेको सन्दर्भलाई लिएर प्रधानमन्त्री केपी शर्मा ओलीले फेरि पनि संसद विघटन गर्नसक्ने संकेत गर्नुभएको छ । प्रधानमन्त्रीको उक्त संकेतलाई नेमकिला लगायत साना दलले समर्थन गरेका छन् भने राष्ट्रपति भण्डारीले पनि निर्वाचनमा जाने कुरालाई सकारात्मक रुपमा लिनुपर्ने धारणा राखेको समाचारमा बताइएको छ ।
 

बुधबार ४ चैत्र, २०७७



यसमा तपाइको मत


सम्बन्धित शीर्षकहरु


ताजा अपडेट